సారథిన్యూస్, బిజినేపల్లి/రామడుగు: తెలంగాణ రాష్ట్రప్రభుత్వం అధిక విద్యుత్చార్జీలు వసూలుచేస్తూ పేదల నడ్డి విరుస్తున్నదని కాంగ్రెస్పార్టీ నేతలు ఆరోపించారు. కరెంటు బిల్లులపెంపునకు వ్యతిరేకంగా సోమవారం రాష్ట్రంలోని పలుచోట్ల కాంగ్రెస్ శ్రేణులు ఆందోళనకు దిగాయి. నాగర్కర్నూల్ జిల్లా బిజినేపల్లి మండల కేంద్రంలోని సబ్స్టేషన్ వద్ద కాంగ్రెస్ నాయకులు నల్లబ్యాడ్జీలు ధరించి ఆందోళన చేపట్టారు. కరీంనగర్ జిల్లా రామడుగు మండలంలోని గుండి సబ్స్టేషన్ ఆవరణలోనూ కాంగ్రెస్ నేతలు నిరసన చేపట్టారు. ధనికరాష్ట్రమంటు గొప్పలు చెప్పిన సీఎం కేసీఆర్.. ఇప్పుడు విద్యుత్ చార్జీలు ఎందుకు పెంచారని ఆరోపించారు. ఆయా కార్యక్రమాల్లో చొప్పదండి నియోజక వర్గ ఇంచార్జ్ మెడిపల్లి సత్యం, కాంగ్రెస్ నాయకులు సుఖాసనంరెడ్డి , అంజి యాదవ్, గోపాల్ రెడ్డి , పాష , మల్లేశ్, బాలరాజు, ఈశ్వర్, బొమ్మర వేణి తిరుపతి, కోల రమేశ్, సత్య ప్రసన్న, కాడే శంకర్, బాపిరాజు, నాగరాజు, రాములు గౌడ్, సిరాజుద్దీన్, ఇప్ప శ్రీనివాస్ రెడ్డి, బాలా గౌడ్, సహు ఉదయ్, మాణిక్యం, కిట్టురెడ్డి, మల్లికార్జున్ తదితరులు పాల్గొన్నారు.
