సారథి న్యూస్, మహబూబ్నగర్: పాలమూరు జిల్లాకు తలమానికమైన పిల్లలమర్రి పునర్జీవం సాధించింది. పట్టణ శివారులోని సుమారు మూడెకరాల విస్తీర్ణంలో వ్యాపించింది. 700 ఏళ్ల వయస్సు ఉన్న ఈ మర్రివృక్షం ప్రఖ్యాత పర్యాటక క్షేత్రంగా వెలుగొందింది. మర్రి వృక్షాల కొమ్మలు, వేర్లకు చెదలు, శిలింద్ర వ్యాధులు సోకడంతో క్రమక్రమంగా క్షీణించింది. ఇది గమనించిన పూర్వ కలెక్టర్ రోనాల్డ్రాస్ ప్రత్యేక చొరవ తీసుకుని బొటానికల్ గార్డెన్ శాస్త్రవేత్తలు, సంబంధిత డాక్టర్లను పిలిపించి సంరక్షణ చర్యలు చేపట్టారు. దీంతో పిల్లలమర్రి 140 వేర్లు, కొమ్మలు కొత్తగా ఉద్భవించి జీవం పోసుకున్నాయి. కొత్తగా చిగురిస్తున్న మర్రిని చూసి పర్యాటకులు ఆనందం వ్యక్తం చేస్తున్నారు.
