విక్టరీ వెంకటేశ్ హీరోగా శ్రీకాంత్ అడ్డాల దర్శకత్వంలో వస్తున్న ‘నారప్ప’ చిత్రానికి సంబంధించి ఇటీవల విడుదలైన ఓ పోస్టర్ యువతను తెగ ఆకట్టుకుంటున్నది. ఇప్పటికే ఈ చిత్రానికి సంబంధించిన ఫస్ట్ లుక్ను విడుదల చేశారు. తమిళంలో విజయవంతమైన ‘అసురన్’కు రీమేక్గా ఈ చిత్రం వస్తున్న విషయం తెలిసిందే. తమిళంలో ధనుష్ నటించిన ఈ సినిమా అక్కడ భారీవిజయాన్ని సొంతం చేసుకున్నది. దళితుడి జీవితానికి సంబంధించిన కథతో ఈ చిత్రం తెరకెక్కింది. తమిళ మాతృకకు వెట్రిమారన్ దర్శకత్వం వహించాడు. ఈ సినిమా అక్కడ 100 కోట్లకు పైగా వసూలు చేసిందని టాక్. కాగా తెలుగులో వెంకటేశ్కు జోడీగా ప్రియమణి నటిస్తున్నది. తాజాగా నారప్ప పెద్ద కొడుకు మునికన్నా లుక్ విడుదల చేసింది చిత్రబృందం. మునికన్నా పాత్రలో కార్తీక్ రత్నం నటిస్తుండగా, ఆయన బర్త్ డే సందర్భంగా ఈ పోస్టర్ విడుదల చేశారు. ఈ చిత్రానికి శ్యామ్ కే నాయుడు సినిమాటోగ్రఫీ అందిస్తుండగా.. మణిశర్మ స్వరాలు అందిస్తున్నాడు. సురేశ్ ప్రొడక్షన్స్ ప్రైవేట్లిమిటెడ్, వీ క్రియేషన్స్‌ పతాకాలపై డీ సురేష్‌బాబు, కలైపులి ఎస్‌ థాను సంయుక్తంగా నిర్మిస్తున్నారు.
