తన అందంతో దక్షిణాదిని మెస్మరైజ్ చేసిన అందాల భామ త్రిష ఓ వెబ్సీరిస్లో నటించనున్నట్టు సమాచారం. ఈ చిత్రంలో ఆమె రొమాంటిక్గా నటించనుందట. కరోనా దెబ్బకు ప్రముఖ హీరోయిన్లందరూ డిజిటల్ స్ట్రీమింగ్ వైపు వెళ్లున్న సంగతి తెలిసిందే. ఈ నేపథ్యంలో హీరోయిన్స్ వెబ్ సిరీస్ కథల్లో నటించేందుకు సై అంటున్నారు. కాగా ఇప్పటికే స్టార్ హీరోయిన్ సమంత ‘థ ఫ్యామిలీ మాన్’ అనే వెబ్ సిరీస్ రెండో సీజన్ లో నటించింది. అలాగే కాజల్ అగర్వాల్ కూడా ఓ వెబ్ సిరీస్ చేయనుంది. ఇప్పుడు వీరి బాటలోనే త్రిష కూడా తమిళంలోని ఓ వెబ్ సిరీస్ లో నటించడానికి ఇంట్రస్టింగ్ గా ఉందట. ఇందులో నటించేందుకు త్రిష భారీ రెమ్యునరేషన్ కూడా తీసుకుంటున్నట్టు సమాచారం. ఈ వెబ్ సిరీస్ ను దర్శకుడు రామ సుబ్రమణ్యన్ డైరెక్ట్ చేయనుండగా, అనంద్ వికటన్ సంస్థ నిర్మిస్తున్నది.
