సారథి న్యూస్, మానవపాడు(జోగుళాంబ గద్వాల): అయిజ మండలం వేణిసొంపురం గ్రామంలో తుంగభద్ర నది పుష్కరాల ఏర్పాట్లను ఆదివారం ఎమ్మెల్యే అబ్రహం పరిశీలించారు. విద్యుద్దీకరణ, మహిళల స్నానాల గదులు, వాహనాల పార్కింగ్ స్థలం.. తదితర వాటికి సంబంధించి అడిషనల్ కలెక్టర్ శ్రీనివాస్ రెడ్డి, అడిషనల్ ఎస్పీ కృష్ణ, ఆర్డీవో రాములుతో కలిసి పరిశీలించారు. ఈ సందర్భంగా ఎమ్మెల్యే అబ్రహం మాట్లాడుతూ.. రాష్ట్రంలో తుంగభద్ర నది ఒక్క అలంపూర్ నియోజకవర్గంలో మాత్రమే ప్రవహిస్తుందని, పవిత్రమైన పుష్కరాలకు ఏర్పాట్లు పక్కాగా ఉండాలని సూచించారు. కరోనా మహమ్మారి మళ్లీ విజృంభిస్తున్న దృష్ట్యా సీఎం కేసీఆర్ ఆదేశాల మేరకు పకడ్బందీ ఏర్పాట్లు చేయాలని సూచించారు. భక్తులకు ఇబ్బందులు రాకుండా చూడాలన్నారు. ఆయన వెంట సింగిల్విండో చైర్మన్మధుసూదన్ రెడ్డి, మార్కెట్ కమిటీ మాజీ చైర్మన్ విష్ణువర్ధన్ రెడ్డి, రాజోలి ఎంపీపీ నాథనేలు, డీఎస్పీ యాదగిరి తదితరులు ఉన్నారు.
