ఇండస్ట్రీలో అందరూ ఒక్కసారిగా వెబ్ సిరీస్ లపై పడుతున్నారు. టాప్ హీరోయిన్లు కూడా ఆ దారే అంటున్నారు. కొందరు హీరోయిన్లు అయితే తాము వెబ్ సిరీస్ ల్లో నటించేందుకు రెడీగా ఉన్నామంటూ ప్రకటిస్తూ ఆఫర్లు ఇవ్వాల్సిందిగా కోరుతున్నారు కూడా. వెబ్ సిరీస్ లకు ఓకే చెప్పిన హీరోయిన్లలో నితిన్ సినిమా ‘లై’లో నటించిన హీరోయిన్ మేఘా ఆకాష్ కూడా లిస్టులో జాయినైంది. అవడానికి తమిళ అమ్మాయే అయినా తెలుగు సినిమాతోనే పరిచయమైంది.
పేట, తూటా, బూమరాంగ్, శాటిలైట్ శంకర్.. అంటూ మంచి సినిమాల్లోనే నటించింది. అయినా ఆశించిన గుర్తింపు రాలేదు అమ్మడికి. అందుకే వెబ్ సిరీస్ వైపు అడుగేస్తోంది. అక్కడైతే తన ప్రతిభ మరింత నిరూపించుకోవచ్చన్న తపనతో ఉందట. తమిళంలో ప్రముఖ దర్శకుడు విజయ్ దర్శకత్వంలో రూపొందించబోతున్న వెబ్ సిరీస్ లో కీలకపాత్ర చేయనుంది మేఘఆకాష్. అందుకు సంబంధించిన చర్చలు కూడా జరిగాయట. హీరోయిన్ గా తెలుగు, తమిళంలో చేసిన సినిమాలు నిరాశ పరచయడంతో వెబ్ సిరీస్ ల్లో నటించేందుకు రెడీ అయ్యిందేమో అంటున్నారు అంతా.
