సారథిన్యూస్, కొత్తగూడెం: బండి సంజయ్ సారథ్యంలో బీజేపీ తెలంగాణ రాష్ట్రంలో బలపడుతున్నదని కొత్తగూడెం బీజేపీ జిల్లా అధ్యక్షుడు కోనేరు సత్యనారాయణ పేర్కొన్నారు. సంజయ్ జన్మదినం సందర్భంగా శనివారం భద్రాద్రి కొత్తగూడెం జిల్లా కేంద్రంలోని స్నేహలత, సంధ్యలత అనాథ శరణాలయంలో బండిసంజయ్ జన్మదిన వేడుకలు నిర్వహించారు. ఈ సందర్భంగా అనాథపిల్లలకు స్వీట్స్, కేక్ పంచిపెట్టి అన్నదాన కార్యక్రమం నిర్వహించారు. కరీంనగర్ జిల్లా రామడుగులోనూ బండి సంజయ్ పుట్టిన రోజు వేడుకలను నిరాడంబరంగా నిర్వహించారు. కార్యక్రమంలో ఒంటెల కరుణాకర్రెడ్డి, నాయకులు, జిన్నారం విద్యా సాగర్, ఉప్పు రాంకిషన్, తిర్మలపూర్ ఎంపీటీసీ మోడీ రవి, ఉప్పు శ్రీను పటేల్,కాడే నర్సింగమ్, ఐలయ్య, రమేశ్, లక్ష్మణ్ తదితరులు పాల్గొన్నారు.
