గోళ్లకు రంగేయడం అనుకున్నంత ఈజీ కాదు. ఏ మాత్రం అటూఇటూ అయినా గోళ్లందమంతా పోతుంది. పైగా గోళ్లు పాడవుతాయి కూడా. అలా కాకుండా పర్ఫెక్ట్ లుక్తో గోళ్లు మెరవాలంటే రంగువేసేటప్పుడు ఈ జాగ్రత్తలు తీసుకోవాలి.
నెయిల్ పాలిష్వేసుకునే ముందు గోళ్లను శుభ్రం చేసుకుని షేప్ చేయాలి. తర్వాత పారదర్శకంగా ఉండే బేస్కోట్ను వేయాలి. అది పూర్తిగా ఆరిన తర్వాతే నెయిల్పాలిష్అప్లై చేయాలి. షేడ్స్ ఇవ్వాలనుకంటే వాటిల్లో ఒకటి ముదురు రంగులో ఉండేలా చూసుకోవాలి. అలాగే గోళ్ల రంగును గోరు మొదలు నుంచి చివరి వరకు ఒకేదిశలో వేయాలి. అది కాస్త పలుచగా ఉండేట్లు చూసుకోవాలి. ఆరిన తర్వాత మరోసారి నెయిల్పాలిష్వేయాలి.
నెయిల్ స్టిక్కర్స్ వాడేటప్పుడు వాటిని గోరు అంచుల దాకా అంటించాలి. దాని మీద పూసే టాప్కోట్నెయిల్పాలిష్ కూడా గోరు అంచుల వరకూ వేయాలి. అలాచేస్తే అంచుల నుంచి రంగు ఊడకుండా తాజా నెయిల్ పాలిష్లుక్వస్తుంది. అలాగే గోళ్ల రంగు వేసినప్పుడు బబుల్స్ ఏర్పడకుండా ఉండాలంటే బాటిల్ను ఎక్కువగా ఊపకూడదు.
చాలామంది స్నానం చేసిన వెంటనే నెయిల్పాలిష్వేస్తుంటారు. కానీ, స్నానం చేసిన తర్వాత గోళ్లు తడిగా ఉండి నెయిల్పాలిష్త్వరగా ఆరదు. అందువల్ల వెంటనే కాకుండా గోళ్లు తడారి పోయాక రంగు వేయాలి. పాలిష్వేసుకున్న గోళ్లను ఐస్క్యూబ్స్కరిగించిన చల్లటి నీళ్లలో ముంచాలి. అలా చేస్తే వేసుకున్న రంగు చిటికెలో ఆరిపోతుంది.
వేసుకున్న గోళ్ల రంగు గ్లాసీగా ఉంటే ఉడికే అన్నం గిన్నె మీద ఉంచి గోళ్లకు ఆవిరి పట్టాలి. ఆ ఆవిరికి గ్లాసీ గోళ్ల రంగు మ్యాటీగా మారుతుంది. అలాగే నెయిల్ కలర్ కొట్టొచ్చినట్టు కనిపించాలంటే వైట్ కలర్ నెయిల్ పాలిష్ను బేస్కోట్గా వేయాలి.
పొరపాటున ఒక గోరు ఇరిగి.. మిగతా గోళ్లన్నీ పొడవుగా ఉంటే నెయిల్ పాలిష్అంతగా సెట్ అవ్వదు. అలాంటప్పుడు మిగతా గోళ్లను విరిగిన గోరు సైజుకు కత్తిరించి వాటిమీద చమ్కీ అంటించాలి. అలాగే నెయిల్స్ను ఎప్పటికప్పుడు హైడ్రేట్ చేస్తూ ఉండాలి. దానివల్ల గోళ్లు త్వరగా విరగవు పైగా వేగంగా పెరుగుతాయి.
::: ఎన్ఎన్
