సారథి న్యూస్, మహబూబ్నగర్: తెలంగాణ సాంఘిక సంక్షేమశాఖ గురుకుల విద్యాలయాల సొసైటీ ఆధ్వర్యంలో నిర్వహించిన ఇంటర్మీడియట్, ఒకేషనల్ కళాశాలల్లో ప్రవేశ పరీక్ష ఫలితాలు విడుదలయ్యాయి. ఫలితాలను సంస్థ వెబ్సైట్ www.tswreis.ac.inలో అందుబాటులో ఉంచినట్టు గురుకులాల మహబూబ్ నగర్ రీజినల్ కోఆర్డినేటర్ ఫ్లారెన్స్రాణి తెలిపారు. వీటితోపాటు 6 నుంచి 9 తరగతుల్లో బ్యాక్లాగ్ సీట్ల భర్తీ కోసం నిర్వహించిన పరీక్షా ఫలితాలను విడుదల చేసినట్టు సోమవారం వెల్లడించారు. ఎంపికైన అభ్యర్థులకు ఆయా స్కూళ్ల ప్రిన్సిపాల్స్ సమాచారం అందిస్తారని చెప్పారు. ఎంపికైన విద్యార్థులు తమ ఒరిజినల్ సర్టిఫికెట్స్తో పాఠశాలలు, కళాశాలలో రిపోర్టు చేయాల్సిన తేదీలను త్వరలో ప్రకటిస్తామని చెప్పారు. కళాశాలల వివరాలు.. నారాయణపేట (జనరల్, వొకేషనల్), మరికల్(జనరల్), ఆర్ఆర్ గూడెం( జనరల్, వొకేషనల్), దేవరకద్ర(వొకేషనల్), ఉట్కూరు(వొకేషనల్), జడ్చర్ల(జనరల్), వంచర్ల(జనరల్), అలంపూర్(జనరల్), ఇతర వివరాలకు సమీప గురుకుల పాఠశాల లేదా కళాశాలలో సంప్రదించాలని తెలిపారు. వివరాల కోసం 7032710193, 7989902033 సంప్రదించాలని సూచించారు.
