సారథి న్యూస్, వెల్దండ: రెక్కల కష్టం బుగ్గిపాలైంది.. పైసాపైసా పోగేసి దాచుకున్న సొత్తు అగ్గిపాలైంది.. తాము నమ్ముకున్న కిరాణాషాపునకు మంటలు అంటుకోవడంతో బతుకంతా రోడ్డున పడినట్లయింది. నాగర్కర్నూల్జిల్లా వెల్దండ మండలం కొట్ర గ్రామానికి చెందిన కొప్పు మల్లేష్, రజిత దంపతులకు ఇద్దరు పిల్లలు. ఊరిలోనే డబ్బాలో చిన్నపాటి కిరాణ దుకాణం ఏర్పాటు చేసుకుని.. అందులో చికెన్, గుడ్లు, కూల్డ్రింక్స్, ఇతర నిత్యవసర సరుకులు అమ్ముకుంటూ జీవనోపాధి పొందుతున్నారు. ప్రమాదవశాత్తు బుధవారం అర్ధరాత్రి సమయంలో మంటలు చెలరేగి షాపు పూర్తిగా దగ్ధమైంది. అందులో ఉన్న రిఫ్రిజరేటర్, కూల్డ్రింక్స్, కోళ్లు, నగదు, కిరాణా సామాను, కుర్చీలు కాలిబూడిదయ్యాయి. ఫ్రీజ్, కూల్డ్రింక్స్ కలుపుకుని సుమారు రూ.4లక్షల ఆస్తినష్టం వాటిల్లిందని, తమను ఆదుకోవాలని కొప్పు మల్లేష్, రజిత దంపతులు అధికారులు, ప్రజాప్రతినిధులను కోరారు. అధికారులు ఘటనాస్థలాన్ని పరిశీలించారు. సర్పంచ్పి.వెంకటేశ్వర్రావు, ఎంపీటీసీ సభ్యుడు రాములు, బీజేపీ నాయకులు జె.బాలస్వామి, మాజీ ఉపసర్పంచ్బి.రామస్వామి, వార్డు సభ్యులు కె.హరిశ్చంద్రప్రసాద్, బి.రాములమ్మ, పి.రవీందర్రావు, కావటి దశరథం, స్థానిక అంబేద్కర్ యువజన సంఘం సభ్యులు బాధిత కుటుంబాన్ని పరామర్శించి ధైర్యం చెప్పారు.
