సారథి న్యూస్, హైదరాబాద్: తెలంగాణ రాష్ట్ర ఆవిర్భావం సందర్భంగా ఈనెల 2న ప్రాజెక్టుల బాట పట్టాలని సోమవారం కాంగ్రెస్ నేతలు నిర్ణయించారు. కృష్ణానదిపై పెండింగ్ లో ఉన్న ప్రాజెక్టులను కంప్లీట్ చేయాలని డిమాండ్ చేస్తూ.. అక్కడే నిరసన దీక్షలు చేపట్టనున్నారు. మంగ‌ళ‌వారం ఉదయం 10 గంటల నుంచి సాయంత్రం 5 గంటల వరకు నిరసన కార్యక్రమాలను కొనసాగించనున్నారు. టీపీసీసీ అధ్యక్షుడు ఎన్.ఉత్తమ్ కుమార్ రెడ్డి ఆదేశాల మేరకు దీక్షలను విజయవంతం చేయాలని నాయకులు పార్టీ శ్రేణులకు పిలుపునిచ్చారు.
ఎవరు…ఎక్కడ?
ఎన్.ఉత్తమ్ కుమార్రెడ్డి, కె.జానారెడ్డి, కోమటిరెడ్డి వెంకట్రెడ్డి, (ఎస్ఎల్బీసీ), భట్టి విక్రమార్క, సీతక్క,పోడెం వీరయ్య(పాలేరు ప్రాజెక్టు), ఎ.రేవంత్రెడ్డి, కొండా విశ్వేశ్వర్ రెడ్డి(లక్ష్మీదేవిపల్లి పంప్హౌస్), నాగం జనార్దన్ రెడ్డి (ఎల్లూరు జలాశయం), జి.చిన్నారెడ్డి(కరివెన), ఎస్.సంపత్కుమార్(నెట్టెంపాడు), సి.వంశీచంద్రెడ్డి(కల్వకుర్తి ఎత్తిపోతల పథకం) దీక్షలు చేపట్టనున్నారు.
