‘అశ్వత్థామ’ సినిమాతో రఫ్ హీరోగా దర్శనమిచ్చిన యంగ్ హీరో నాగశౌర్య ఇప్పుడు లుక్ ను మరింత రఫ్ చేశాడు. తన కెరీర్లో 20వ చిత్రంగా రాబోతున్న సినిమా కోసం శౌర్య చేసిన వర్క్అవుట్స్ తన లుక్, కటౌట్ను మార్చేశాయి. ఇంట్లోనే జిమ్ ను ఏర్పాటుచేసుకుని కఠోర వ్యాయామాలు చేశాడు. వావ్ అనిపించుకునే కండలు తిరిగిన దేహంతో అభిమానులను అబ్బురపరిచాడు. ‘ఆట ఎప్పుడూ ఒకేలా ఉండదు’ అంటూ ఈ చిత్రంలో నాగశౌర్యకు సంబంధించిన ప్రీ లుక్ రిలీజ్ చేసింది చిత్ర యూనిట్. ఈ చిత్రాన్ని శ్రీ వెంకటేశ్వర సినిమాస్, నార్త్ స్టార్ ఎంటర్టైన్మెంట్స్బ్యానర్స్ పై నారాయణ్ దాస్ కె నారంగ్, పుష్కర్ రామ్మోహన్ రావు, శరత్ మరార్ కలిసి నిర్మిస్తున్నారు.
ఈ చిత్రానికి ‘సుబ్రహ్మణ్యపురం’ డైరెక్టర్ ధీరేంద్ర సంతోష్ జాగర్లపూడి దర్శకత్వం వహిస్తున్నారు. కాలభైరవ సంగీతం సమకూరుస్తుండగా రామ్ రెడ్డి సినిమాటోగ్రఫీ అందిస్తున్నారు. ఇక ఈ చిత్రానికి సంబందించిన ఫస్ట్ లుక్ జూలై 27న రిలీజ్ చేయబోతున్నట్లు మేకర్స్ ప్రకటించారు. కాగా, లేడీ డైరెక్టర్ లక్ష్మీ సౌజన్య దర్శకత్వంలో ఓ సినిమాకు కమిట్ మెంట్ ఇచ్చాడు శౌర్య. ఈ సినిమాను సితార ఎంటర్టైన్మెంట్స్బ్యానర్ పై సూర్యదేవర నాగవంశీ నిర్మించనున్నారు. అలానే ‘ఊహలు గుసగుసలాడే’ ఫేమ్ అవసరాల శ్రీనివాస్ డైరెక్షన్ లో పీపుల్స్ మీడియా వారితో ఓ సినిమా చేయనున్నాడని కూడా సమాచారం.
