న్యూఢిల్లీ: కలకత్తాలో 2001లో తాము సాధించిన చారిత్రాత్మక విజయానికి దేశమంతా సంబురాలు చేసుకుందని హైదరాబాద్ స్టార్ ప్లేయర్ వీవీఎస్ లక్ష్మణ్ గుర్తుచేసుకున్నాడు. కానీ తమకే సంబురాలకు సమయం సరిపోలేదన్నాడు. ‘కలకత్తా మ్యాచ్ తర్వాత వెంటనే మూడవ టెస్ట్ కోసం చెన్నైకి వెళ్లాల్సి వచ్చింది. అందుకే ఆ విజయాన్ని మేం పెద్దగా సెలబ్రేట్ చేసుకోలేకపోయాం. దీంతో ఆస్వాదించడానికి పెద్దగా సమయం దొరకలేదు. కాకపోతే ఈ విజయంతో దేశం మొత్తం సంబురాలు చేసుకుందని మాత్రం అనుకున్నాం. టీమ్లో ప్రతిఒక్కరూ తమ శక్తి మేరకు రాణించారు. కుంబ్లే, శ్రీనాథ్ లేకపోవడంతో ఎక్కువగా హర్భజన్ పైనే నమ్మకం పెట్టాడు. నీ బౌలింగ్ను ఎవరూ ఎదుర్కొలేరు.. అనే నమ్మకాన్ని కలిగించాడు. దీంతో భజ్జీ అద్భుతంగా చెలరేగిపోయాడు. హ్యాట్రిక్తో టీమ్ నమ్మకాన్ని నిలబెట్టాడు. అతనిలో విశ్వాసం కూడా రెట్టింపైంది. ఆసీస్ కూడా మా విజృంభణ ముందు తేలిపోయింది’ అని లక్ష్మణ్ పేర్కొన్నాడు.
