స్టార్ హీరోలకు విదేశాల్లో కూడా ఫ్యాన్స్ ఉండడం పెద్ద విషయమేమీ కాదు. ఆ ఫాలోయింగ్లో అభిమానులను అనుకరించడం ఇప్పటి ట్రెండ్కు పెద్ద ఫ్యాషన్ అయింది కూడా. అదే ఎన్టీఆర్ విషయంలో జరుగుతోంది. ఎన్టీఆర్కు టాలీవుడ్లోనే కాదు ప్రపంచ వ్యాప్తంగా ఫ్యాన్స్ ఉన్న విషయం తెలిసిందే. అయితే జపాన్లో ఎన్టీఆర్ సినిమాలకు మాంచి డిమాండే ఉంది. అక్కడి వాళ్లు తారక్ చిత్రాలను తప్పకుండా ఎంజాయ్ చేస్తారు. తాజాగా జపాన్లో ఓ జంటకి ఎన్టీఆర్ పై అభిమానం పీక్స్లోకి వెళ్లి పోయింది. వారి అభిమానం ఏ రేంజ్లో ఉందో ఈ తాజా వీడియో తెలుపుతోంది.
సురేందర్ రెడ్డి దర్శకత్వంలో 2006లో వచ్చిన అశోక్ సినిమాలో ఎన్టీఆర్, సమీరా రెడ్డి జంటగా నటించారు. ఆ చిత్రంలో ‘గోలా గోలా’ పాటకు ఈ జపనీస్ జంట సేమ్ టు సేమ్ హావాభావాలతో సహా ఎన్టీఆర్ ఎనర్జీకి ఏ మాత్రం తీసిపోకుండా స్టెప్స్ వేసి .. వీడియోను సోషల్ మీడియాలో షేర్ చేశారు. అద్భుతంగా ఉన్న వారి డ్యాన్స్కు అభిమానులు ఫిదా అయిపోతూ వీడియోను వైరల్ చేస్తున్నారు.
