మల్టీ టాలెంటెడ్ విజయ్ ఆంటోనీ పుట్టినరోజు సందర్భంగా ‘బిచ్చగాడు 2’ అనౌన్స్మెంట్ పోస్టర్ విడుదల చేశారు. నేషనల్ అవార్డ్ విన్నింగ్ డైరెక్టర్ ప్రియా కృష్ణస్వామి దర్శకత్వం వహిస్తున్నారు. విజయ్ ఆంటోని హీరోగా నిర్మాతగా వస్తున్న ఈ సినిమా తమిళంలో ‘పిచ్చైకారన్ 2’ తెలుగులో ‘బిచ్చగాడు 2’ పేరుతో రూపొందనుంది. 2021లో ఈ సీక్వెల్ ను విడుదల చేయడానికి ప్లాన్ చేస్తున్నారు. ‘నకిలీ, డాక్టర్ సలీమ్, బిచ్చగాడు’ చిత్రాలతో తెలుగు ప్రేక్షకులను మెప్పించాడు విజయ్ ఆంటోని.
శశి దర్శకత్వంలో తెరకెక్కిన ‘బిచ్చగాడు’ సినిమాలో అమ్మ సెంటిమెంట్ ను అద్భుతంగా చూపించి సక్సెస్ అయ్యారు. ఈ సినిమా విజయ్ ఆంటోని హీరోగా నటించడంతో పాటు నిర్మాతగా సంగీత దర్శకుడిగా కూడా వ్యవహరించాడు. ఎలాంటి అంచనాలు లేకుండా రిలీజైన ‘బిచ్చగాడు’ బాక్సాఫీస్ వద్ద కాసులవర్షం కురిపించింది. ఇప్పుడు దీనికి సీక్వెల్ ‘బిచ్చగాడు 2’ సినిమా ఎంతటి వసూళ్లను సాధిస్తుందో చూడాలి.
