నటీ, నటుల వ్యక్తిగత జీవితాలపై రూమర్లు రావడం కొత్తేమీ కాదు. ఎంతో మంది సెలబ్రిటీలు తమ మీద వచ్చిన పుకార్లకు వివరణ ఇచ్చుకోలేక తలలు పట్టుకుంటారు. తాజాగా కన్నడ నటి, బిగ్బాస్ సీజన్ 3 ఫేమ్ నేహా గౌడ తల్లి అయ్యిందని ఆమె యూఎస్లోని కాలిఫోర్నియాలో పండంటి ఆడబిడ్డకు జన్మనిచ్చిందని పలు కన్నడ సైట్లు రాశాయి. ఈ వార్త సోషల్ మీడియాలో వైరల్ అయ్యింది. దీంతో ఆమె స్పందించారు. ఈ వార్తలో నిజం లేదని తేల్చిచెప్పారు. తనను కనీసం సంప్రదించకుండా ఇలాంటి వార్తలు ఎందుకు రాస్తారంటూ ఆమె ఫైర్ అయ్యారు. బిగ్ బాస్ షోతో బాగా పాపులర్ అయిన నేహా గతంలో పలు సీరియల్స్లో నటించారు. 2018లో చందన్ గౌడను వివాహం చేసుకున్నారు. నేహా కాలిఫోర్నియాలో స్థిరపడ్డారు. కానీ, ఆమె ప్రస్తుతం ఇండియాలోనే ఉన్నట్టు సమాచారం. చందన్ కూడా మార్చిలో ఇండియాకు వచ్చారని, కొన్ని రోజులు సెల్ఫ్ ఐసోలేషన్‌లో ఉన్నారని సమాచారం.
