- – ఔటర్ రింగ్ రోడ్డుపై ఘోరప్రమాదం
సామాజికసారథి, హైదరాబాద్: హైదరాబాద్ నగర శివార్లలోని పెద్ద అంబర్‌ పేట ఔటర్ రింగురోడ్డుపై ఘోరప్రమాదం జరిగింది. ఓఆర్‌ఆర్‌పై వేగంగా దూసుకొచ్చిన కారు అదుపుతప్పి ముందుగా వెళ్తున్న లారీని వెనక నుంచి ఢీకొట్టింది. దీంతో ఒక్కసారిగా మంటలు చెలరేగాయి. దీంతో కారు, లారీ దగ్ధమయ్యాయి. అయితే రెండు వాహనాల్లో డ్రైవర్లు సురక్షితంగా బయటపడ్డారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు. కారులో ఉన్న వ్యక్తిని ఈసీఐఎల్‌ దమ్మాయిగూడకు చెందిన మయూర్‌గా గుర్తించారు. ప్రమాద సమయంలో అతడు మద్యం మత్తులో ఉన్నట్లు పోలీసులు గుర్తించారు.
