సామాజిక సారథి, సంగారెడ్డి ప్రతినిధి: నిన్న, మొన్నటి వరకు అందరికీ చుక్కలు చూపిన ట’మాంట’ ధర మార్కెట్ లో ఆదివారం దిగి వచ్చింది. రూ. 80 నుంచి వంద పలికిన ధర ఒక్కసారిగా దిగి వచ్చింది. నిన్నటి వరకు 25 కిలోల టమాటా బాక్స్ ధర రూ. వేయి నుంచి 1200 పలుకగా ఆదివారం కూరగాయల మార్కెట్లో రూ. 700 దిగువకు దిగివచ్చింది. దీంతో కిలో టమాట రూ. 40 పలికింది. ఇందుకు లోకల్ టమాట అధికంగా మార్కెట్లోకి రావడమే కారణమని వ్యాపారులు చెబుతున్నారు. తెలంగాణలో వర్షాలు తగ్గడం, ఆంధ్రప్రదేశ్, తమిళనాడు నుంచి టమాట సరఫరా అవుతుండడంతో సగానికి పైగా కిలో ధర పడిపోయినట్టు వ్యాపారులు వివరిస్తున్నారు. టమాట ధర తగ్గడం కొనుగోలుదారులకు ఊరటనిస్తుంది.
