‘సిరివెన్నెల సీతారామశాస్త్రి గారి కలం ఆగిపోయింది. పాట హృదయం చెదిరిపోయింది’..అంటూ టాలీవుడ్‌ హీరో నాగార్జున ట్వీట్‌ చేశారు. ప్రముఖ సాహిత్య రచయిత ’సిరివెన్నెల’ సీతారామశాస్త్రి మంగళవారం సాయంత్రం కన్నుమూసిన విషయం తెలిసిందే. ఈ సంఘటన చిత్రపరిశ్రమకు తీరని విషాదాన్ని కలిగించింది. ఎంతోమంది గుండెలు బద్ధలయ్యేలా చేసింది. సీతారామశాస్త్రి మరణవార్త తెలిసిన సినీ ప్రముఖులంతా కన్నీటి నివాళులర్పించారు. ఈ క్రమంలో నాగార్జున కూడా ‘సిరివెన్నెల సీతారామశాస్త్రి గారి కలం ఆగిపోయింది. పాట హృదయం చెదిరిపోయింది’..అని ట్వీట్‌ చేశారు. ఇదే సమయంలో ఆయన హీరోగా నటిస్తున్న ‘బంగార్రాజు’ సినిమాలోని పాట ఈ రోజు విడుదల కావాల్సి ఉండగా, సీతారామశాస్త్రి అకాలమృతి కారణంగా పోస్ట్‌పోన్‌ చేస్తున్నట్లు పేర్కొన్నారు. కాగా, ఈ సినిమా నుంచి ’బంగార్రాజు నీకోసం’ అనే సాంగ్‌ టీజర్‌ను డిసెంబర్‌ 2న ఉదయం 10:08 గంటలకు విడుదల చేయనున్నట్లు ప్రకటించారు.
