సామాజిక సారథి, నాగర్ కర్నూల్: జిల్లా ఎస్పీని స్వేరోస్ నాయకులూ గురువారం కలుసుకున్నారు. కొత్త ఎస్పీగా బాధ్యతలు చేపట్టిన సందర్భంగా పుష్పగుచ్చం అందజేసి అభినందనలు తెలిపారు. ఈ సందర్భంగా స్వేరో నెట్వర్క్ ఆధ్వర్యంలో చేపడుతున్న కార్యక్రమాల గురించి ఎస్పీతో చర్చించారు. అక్షరం, ఆర్థికం, ఆరోగ్యాలపై స్వేరో నెట్వర్క్ పని చేస్తుందని వివరించారు. ఎస్పీకి సంక్రాంతి శుభాకాంక్షలు తెలిపారు. ఈ కార్యక్రమంలో స్వేరోస్ ఇంటర్నేషనల్ జోనల్ అధ్యక్షుడు గిద్ద విజయ్ కుమార్ స్వేరో, టిఎస్పిఏ నాగర్ కర్నూల్ జిల్లా అధ్యక్షుడు పోతన పల్లి వెంకటయ్య, జిల్లా కోఆర్డినేటర్ కొమ్ము సునీల్ కుమార్, జిల్లా ప్రధాన కార్యదర్శి టిఎస్ పిఎఎల్. వెంకటయ్య, డివిజన్ అధ్యక్షుడు దేశయ్య తదితరులు పాల్గొన్నారు.
