బాలీవుడ్‌ హీరోకు టాలీవుడ్‌ హీరో సుమంత్‌ డబ్బింగ్‌ చెబుతున్నారు. కబీర్‌ ఖాన్‌ దర్శకత్వంలో లెజెండరీ క్రికెటర్‌ టీమిండియా మాజీ కెప్టెన్‌ కపిల్‌ దేవ్‌ జీవిత కథ ఆధారంగా తెరకెక్కుతున్న లేటెస్ట్‌ బయోపిక్‌ ‘83’. ఈ మూవీలో బాలీవుడ్‌ హీరోరణవీర్‌ సింగ్‌ టైటిల్‌ రోల్‌ పోషించారు. కపిల్‌ దేవ్‌ భార్య రోమీదేవ్‌గా రణవీర్‌ సతీమణి దీపికా పదుకొణె నటించారు. కరోనా వేవ్స్‌ కారణంగా వాయిదా పడిన ఈ సినిమాను డిసెంబర్‌ 24న ప్రేక్షకుల ముందుకు రానుంది.పాన్‌ ఇండియా స్థాయిలో హిందీ, తెలుగు, తమిళ, మలయాళ, కన్నడ భాషల్లో విడుదల చేయనున్న ‘83’ చిత్రాన్ని తెలుగులో అన్నపూర్ణ స్టూడియోస్‌ బ్యానర్‌పై కింగ్‌ నాగార్జున థియేట్రికల్‌ రిలీజ్‌ చేస్తున్నారు. తాజాగా చిత్ర ట్రైలర్‌ కూడా వచ్చి విపరీతంగా ఆకట్టుకుంటోంది. కాగా, తెలుగు వెర్షన్‌ ’83’ లోని రణవీర్‌ సింగ్‌ పాత్రకు టాలీవుడ్‌ హీరో సుమంత్‌ డబ్బింగ్‌ చెబుతున్నారు.
