సారథి, బిజినేపల్లి: ఉపాధిహామీ చట్టం ద్వారా ఉపాధి పొందుతున్న కూలీలను కులాల వారీగా విభజించి పనులు చేయించడం సరికాదని, సంబంధిత జీవోను వెంటనే రద్దుచేయాలని కులవివక్ష వ్యతిరేక పోరాట సంఘం(కేవీపీఎస్)జిల్లా అధ్యక్షుడు అంతటి కాశన్న ప్రభుత్వాన్ని డిమాండ్ చేశారు. ఈ పనుల కోసం ఎస్సీ, ఎస్టీ సబ్ప్లాన్నిధులను ఖర్చుచేయడం సరికాదన్నారు. గురువారం బిజినేపల్లి తహసీల్దార్ ఆఫీసు ఎదుట కేవీపీఎస్ ఆధ్వర్యంలో నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ.. 2005లో నాటి ప్రభుత్వం కులాలు, మతాలకతీతంగా వందరోజుల పని గ్యారెంటీగా కల్పించాలని, సమాన వేతనాలు అమలు చేసిందన్నారు. కేంద్ర ప్రభుత్వం కూలీలను కులాల వారీగా విభజించి సబ్ప్లాన్ నిధులను ఖర్చుచేయాలని చూడటం దుర్మార్గమైన చర్యగా అభివర్ణించారు. కులాల మధ్య చిచ్చుపెట్టాలని చూస్తున్నారని మండిపడ్డారు. అనంతరం తహసీల్దార్ అంజన్రెడ్డికి వినతిపత్రం అందజేశారు. కార్యక్రమంలో కులవివక్ష వ్యతిరేక పోరాట సంఘం(కేవీపీఎస్) మండల కన్వీనర్ హనుమంతు, ప్రసాద్, అడ్వకేట్ బోనాసి రామకృష్ణ, సీఐటీయూ జిల్లా నాయకులు బోనాసి సుధాకర్, కృష్ణ, రాములు పాల్గొన్నారు.
