సామాజికసారథి, వెల్దండ: నాగర్కర్నూల్ జిల్లా వెల్దండ మండలం కొట్ర గ్రామంలో నూతనంగా నిర్మిస్తున్న ఆంజనేయస్వామి ఆలయ నిర్మాణానికి అదే గ్రామానికి చెందిన కోటిచింతల నిరంజన్రావు స్మారకార్థం ఆయన సతీమణి సుగణమ్మ, కుమారుడు పురుషోత్తంరావు రూ.51,116ను విరాళంగా అందజేశారు. ఆభయ ఆంజనేయుడి సన్నిధిలో ఆ మొత్తాన్ని వారు గ్రామసర్పంచ్ పొనుగోటి వెంకటేశ్వర్రావుకు ఆదివారం అందజేశారు. ఈ సందర్భంగా సర్పంచ్ మాట్లాడుతూ.. ఆలయ నిర్మాణానికి దాతలు ముందుకు రావాలని కోరారు. అన్ని పనులు పూర్తయితే త్వరలోనే పూర్తిచేసుకుందామని చెప్పారు. గొప్ప కార్యానికి సహకరిస్తున్న ప్రతిఒక్కరికీ కృతజ్ఞతలు తెలిపారు. దాతలు కోటిచింతల సుగుణమ్మ, పురుషోత్తంరావును ఆయన అభినందించారు. కార్యక్రమంలో ఎంపీటీసీ సభ్యుడు నీరటి రాములు, టీఆర్ఎస్ గ్రామ అధ్యక్షుడు సత్యనారాయణ, గ్రామస్తులు నాగేశ్వర్గౌడ్, భూపతిరావు, సిలివేరు వెంకటయ్యగౌడ్ తదితరులు పాల్గొన్నారు.
