టోక్యో: కరోనా విజృంభిస్తున్న తరుణంలో మాస్క్ లేనిది అడుగు బయటపెట్టలేని పరిస్థితి నెలకొన్నది. ఈ నేపథ్యంలో జపాన్కు చెందిన ఓ స్టార్టప్ కంపెనీ వినూత్నంగా ఆలోచించి ‘స్మార్ట్ మాస్కు’ తయారుచేసింది. ఇంటర్నెట్కు, మనం వాడే స్మార్ట్ ఫోన్కు ఈ మాస్క్ను అనుసంధానం చేసుకోవచ్చు. ఈ మాస్కును బ్లూటూత్ ద్వారా మొబైల్ యాప్తో కనెక్ట్ చేసుకోవచ్చని డోనట్ రోబోటిక్స్ సీఈవో తైసుకే ఓనో తెలిపారు. ఈ సీ-మాస్క్ ద్వారా కాల్స్ చేయొచ్చని, మెసేజ్లను కూడా పంపించుకోవచ్చన్నారు. జపాన్ భాష నుంచి 8 ఇతర భాషల్లోకి సీ-మాస్కు ద్వారా యాప్ పదాల్ని తర్జుమా చేస్తుందని అన్నారు. జపాన్ మార్కెట్లోకి వచ్చే సెప్టెంబర్‌ నాటికి 5000 యూనిట్లు పంపిస్తామని అన్నారు. అమెరికా, చైనా, యూరప్‌లలో వీటిని ఆదరిస్తారనే నమ్మకముందన్నారు. సీ-మాస్కు ధర రూ.3 వేలుగా నిర్ణయించారు.
