వరుస సినిమాలతో ఫుల్ బిజీగా ఉన్న నితిన్ వెంకీ అట్లూరి దర్శకత్వంలో నటిస్తున్న చిత్రం ‘రంగ్ దే’. సితార ఎంటర్ టైన్ మెంట్స్ బ్యానర్ పై సూర్యదేవర నాగవంశీ నిర్మిస్తున్నారు. షూటింగ్ పూర్తి చేసుకున్న ఈమూవీని వచ్చే ఏడాది సంక్రాంతి కానుకగా రిలీజ్ చేయడానికి ప్లాన్ చేస్తున్నారు. పోస్ట్ ప్రొడక్షన్ పనుల్లో ఉన్న మూవీటీమ్ శుక్రవారం క్రిస్మస్, వైకుంఠ ఏకాదశి, గీతా జయంతి శుభాకాంక్షలు తెలియజేస్తూ సినిమాలోని పోస్టర్ ను రిలీజ్ చేశారు. నితిన్ కళ్లజోడు పెట్టుకుని స్టైలిష్ గా కనిపిస్తుంటే.. హీరోయిన్ కీర్తిసురేష్ నితిన్ వైపు చూస్తున్న స్టిల్ ఆకట్టుకుంటుంది. ఇప్పటికే విడుదల చేసిన ఫస్ట్ లుక్ పోస్టర్లు, టీజర్, సాంగ్స్ కి మంచి రెస్పాన్స్ వచ్చాయి. నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, సుహాస్ నటించిన ఈ సినిమాకి దేవిశ్రీప్రసాద్ మ్యూజిక్ డైరెక్టర్. ఇది విడుదల కాకుండానే మేర్లపాక గాంధీ డైరెక్షన్ లో ‘అంధాదూన్’ రీమేక్, చంద్రశేఖర్ ఏలేటి దర్శకత్వంలో ‘చెక్’ సినిమాల్లో నటిస్తున్నాడు నితిన్.
