షార్జా: ఐపీఎల్13వ సీజన్లో భాగంగా చెన్నై సూపర్కింగ్స్, రాజస్తాన్ రాయల్స్ జట్లు హోరాహోరీగా తలపడ్డాయి. చివరికి రాజస్థాన్ 16 పరుగుల తేడాతో విజయం సాధించింది. చెన్నై సూపర్ కింగ్స్ తొలుత టాస్గెలిచి ఫీల్డింగ్ ఎంచుకుంది. బ్యాటింగ్కు దిగిన రాజస్తాన్ రాయల్స్ జట్టు నిర్ణీత 20 ఓవర్లలో ఏడు వికెట్ల నష్టానికి 216 పరుగులు చేసింది. రాజస్తాన్ ఇన్నింగ్స్‌లో మొత్తం 17 సిక్స్లు బాదారు. సంజూ శాంసన్‌ విధ్వంసకర ఇన్నింగ్స్‌కు తెరతీశాడు. చెన్నై బౌలర్లకు చుక్కలు చూపించాడు. 32 బంతుల్లో 1 ఫోర్, 9 సిక్స్‌లతో 74 పరుగులు సాధించాడు. కెప్టెన్‌ స్టీవ్‌ స్మిత్‌ 69(47 బంతుల్లో 4 ఫోర్లు, 4 సిక్స్లు) చేశాడు. చివరిలో వచ్చిన జోఫ్రా ఆర్చర్‌ 8 బంతుల్లో వరుసగా 4 సిక్స్‌లతో 27 పరుగులతో స్కోరు బోర్డును పరుగెత్తించాడు. చెన్నై సూపర్ కింగ్స్ బౌలర్లలో సామ్‌ కరాన్‌ 3 వికెట్లు, ఎన్‌గిడి, చావ్లా, దీపక్‌ చాహర్‌ ఒక్కో వికెట్ చొప్పున తీశారు.
అనంతరం బ్యాటింగ్కు దిగిన చెన్నై సూపర్ కింగ్స్లో మురళీ విజయ్ 21(21బంతుల్లో), వాట్సన్ 33 (21), డుప్లిసెస్ 72(37 బంతుల్లో ఏడు సిక్స్లు, ఒక ఫోర్) పరుగులతో చెలరేగి ఆడాడు. ఎస్ఎం కరణ్ 17, కేఎం జాదవ్ 22 (16 బంతుల్లో 3 ఫోర్లు), ఎంఎస్ ధోనీ 29 (నాటౌట్, హ్యాట్రిక్ సిక్స్లు), జడేజా 1 (నాటౌట్) చొప్పున 20 ఓవర్లలో ఆరు వికెట్ల నష్టానికి 200 పరుగులు మాత్రమే చేయగలిగారు. రాజస్తాన్ రాయల్స్బౌలర్లు ఆర్ తేవాతియాకు 3, టీకే కరన్, ఎస్గోపాల్, జేసీ అర్చర్, జేడీ ఉనద్కత్కు ఒక్కో వికెట్ దక్కాయి. సీఎస్కే స్కోరు 200 పరుగుల వద్దే ఆగిపోయింది. దీంతో 16 పరుగుల తేడాతో రాజస్తాన్ రాయల్స్ జట్టు విజయం సాధించింది.
