న్యూఢిల్లీ: టీమిండియా క్రికెటర్లు ఒక్కొక్కరుగా ఔట్డోర్ ప్రాక్టీస్ మొదలుపెడుతున్నారు. తాజాగా పేసర్ మహ్మద్ షమీ.. చాలా రోజుల తర్వాత నెట్స్ బౌలింగ్ చేశాడు. తన సొంతూరులోని ఫామ్ హౌజ్లో ప్రత్యేకంగా ఏర్పాటు చేసుకున్న నెట్స్పై అతను బౌలింగ్ యాక్షన్ను సరి చూసుకున్నాడు. ఇందుకు సంబంధించిన వీడియోను ట్వీట్టర్ లో ఉంచాడు.
‘మా బ్రదర్స్తో కలిసి ఫామ్ హౌజర్లో క్వాలిటీ ప్రాక్టీస్ సెషన్’ అని రాసుకొచ్చాడు. అయితే ఇన్ని రోజులు ఇంటికే పరిమితమైనా.. షమీ బౌలింగ్ రిథమ్లో ఏమాత్రం తేడాలేదు. అద్భుతమైన కట్టర్స్, స్వింగ్తో మరోసారి ఆకట్టుకున్నాడు. గతంలో ఔట్డోర్ ప్రాక్టీస్ చేసుకునే అవకాశం లేకపోవడంతో ఫిట్ నెస్ కోసం షమీ.. కుక్కతో కలిసి పరుగెత్తిన వీడియోను కూడా పోస్ట్ చేసిన విషయం తెలిసిందే.
