సారథి న్యూస్, కర్నూలు: కరోనా వైరస్ కారణంగా వ్యాపారాలు దెబ్బతిని ఆర్థికంగా చితికిపోయిన వీధివ్యాపారులను ఆదుకునేందుకు కేంద్ర ప్రభుత్వం ప్రవేశపెట్టిన ఆత్మనిర్భర్ నిధి పథకం కింద దరఖాస్తు చేసుకున్న అర్హులైన ప్రతి ఒక్కరికి త్వరితగతిన రుణాలు అందించేందుకు అన్ని శాఖల అధికారులు సమన్వయంతో కృషిచేయాలని కమిషనర్ డీకే బాలాజీ అధికారులను ఆదేశించారు. శుక్రవారం స్థానిక సంబంధిత అధికారులతో సమావేవం నిర్వహించారు. రుణాలు ఇవ్వడానికి జాప్యం చేస్తున్న బ్యాంకు అధికారులపై అసంతృప్తి వ్యక్తంచేశారు. నిర్దేశిత బ్యాంక్ లాగిన్ లో పెండింగ్ దరఖాస్తులు ఉండకూడదని సూచించారు. నగరపాలక సంస్థ పరిధిలో గుర్తించిన 1799 మంది వీధి వ్యాపారులకు లోన్లు ఇవ్వాలన్నారు. సమావేశంలో డీఆర్డీఏ పీడీ శ్రీనివాసులు, మెప్మా పీడీ శిరీష, బ్యాంక్ మేనేజర్లు, మెప్మా సీవో పాల్గొన్నారు.
