సారథి న్యూస్, హైదరాబాద్: ప్రమాదవశాత్తు లిఫ్ట్ నుంచి జారిపడి ఓ వ్యక్తి మృతిచెందిన సంఘటన ఎల్బీ నగర్ పోలీస్ స్టేషన్ పరిధిలో శనివారం చోటుచేసుకుంది. హైదరాబాద్ లోని హస్తినాపురం డివిజన్ సాగర్ రోడ్డు ఓంకార్ నగర్ కాలనీలో నివాసముంటున్న ఇక్రిశాట్ మాజీ ఉద్యోగి జె.కృష్ణ గౌడ్ (62) శుక్రవారం సాయంత్రం ఇంటికి సమీపంలో ఉన్న అపార్ట్ మెంట్ పై వాకింగ్ చేసి లిఫ్ట్ నుంచి కిందికి దిగుతున్నాడు.
ఈ క్రమంలో ప్రమాదవశాత్తు లిఫ్ట్ తలుపులు తెరుచుకుని ఐదంతస్తుల నుంచి కిందికి జారిపడి తీవ్రంగా గాయపడ్డాడు. కుటుంబసభ్యులు వెంటనే సమీపంలోని అవేర్ గ్లోబల్ ఆస్పత్రికి తరలించేలోపే మృతిచెందాడు. ఆయన ఇక్రిశాట్ సంస్థలో పనిచేసి గతేడాది పదవీ విరమణ పొందాడు. భార్య, ముగ్గురు కుమార్తెలు ఉన్నారు.
