లాహోర్: టీ20 ప్రపంచకప్ తర్వాత రిటైర్డ్మెంట్ కావాలన్న తన ఆలోచన కార్యరూపం దాల్చేలా లేదని పాకిస్థాన్ ఆల్రౌండర్ మహ్మద్ హఫీజ్ అన్నాడు. ఈ మెగా ఈవెంట్లో రాణించి కెరీర్కు గుడ్ బై చెబుదామనుకున్నానని చెప్పాడు. ‘కరోనా మహమ్మారితో టీ20 ప్రపంచకప్ జరిగేలా లేదు. ఇందులో ఆడి ఆటకు గుడ్ బై చెబుదామనుకున్నా. కానీ నా ప్రణాళికలు సాధ్యమయ్యేలా కనిపించడం లేదు. 17 ఏళ్లుగా నా ఎంపికకు సరైన న్యాయం చేకూరుస్తున్నాననే అనుకుంటున్నా. కాబట్టి వీలైనంత త్వరగా కెరీర్ నుంచి తప్పుకోవాలని అనుకుంటున్నా’ అని హఫీజ్ వ్యాఖ్యానించాడు. 2018లో టెస్టులకు గుడ్ బై చెప్పిన హఫీజ్.. వన్డే ఫార్మాట్లో కొనసాగుతున్నాడు. ఇప్పటికిప్పుడు క్రికెట్ నుంచి తప్పుకునే ఆలోచనలు లేవని చెప్పిన ఈ పాక్ బ్యాట్స్మెన్ ఎవరో ఒకరు స్థానాన్ని భర్తీచేసే వరకు ఆటలో కొనసాగుతానన్నాడు.
