చెన్నై: స్పాట్ ఫిక్సింగ్ ఆరోపణలతో నిషేధానికి గురైన భారత మాజీ పేసర్ శ్రీశాంత్ మళ్లీ క్రికెట్ ఆడే అవకాశాలున్నాయి. పూర్తి ఫిట్గా ఉంటే అతన్ని కేరళ రంజీ జట్టులోకి తీసుకుంటామని కోచ్ టీనూ యోహనన్ చెప్పాడు. ‘ఈ ఏడాది రంజీ సీజన్కు శ్రీశాంత్ ను తీసుకోవాలనుకుంటున్నామన్నారు. ఈ సెప్టెంబర్ 13న అతనిపై నిషేధం ముగుస్తుంది. అతనికి మళ్లీ పోటీ క్రికెట్లోకి రావడానికి చాలినంత సమయం కూడా ఉంది. కాకపోతే అతను క్రికెట్ ఆడి ఏడేండ్లు అవుతోంది. ఈ మధ్యకాలంలో అతని ఫిట్నెస్ ఎలా ఉందో చూడాలి. ఆటపై కూడా ఓ అంచనాకు రావాలి’ అని యోహనన్ పేర్కొన్నాడు. మళ్లీ క్రికెట్లోకి రావాలనుకుంటున్నట్లు శ్రీశాంత్ కూడా వెల్లడించాడు. ఫిట్నెస్ కోసం పూర్తి స్థాయిలో శ్రమిస్తున్నానని చెప్పాడు. టీంమిండియా తరఫున 27 టెస్టులు, 53 వన్డేలు ఆడిన శ్రీశాంత్.. ఐపీఎల్ స్పాట్ ఫిక్సింగ్కు పాల్పడినందుకు 2013లో బీసీసీఐ జీవితకాల నిషేధం విధించింది.
