దర్శకుడు గిరి పాలిక ‘బంగారు బుల్లోడు’ చిత్రాన్ని తెరకెక్కిస్తున్నాడు. అల్లరి నరేష్, పూజాఝవేరి జంటగా కామెడీ అండ్ రొమాంటిక్ ఎంటెర్టైనర్గా రానున్న ఈ చిత్ర టీజర్ అల్లరి నరేష్ పుట్టినరోజు కానుకగా విడుదల చేశారు. భారీ కామెడీ క్యాస్టింగ్ తో కూడిన ‘బంగారు బుల్లోడు’ టీజర్ ఆకట్టుకుంది. ఇక ఈ టీజర్లో ‘ఇది లలితా జ్యూలరీ షాప్ అనుకున్నారా? లాకర్ రూమ్ అనుకున్నారా?’ అన్న డైలాగ్లో అల్లరి నరేష్ గోల్డ్ లోన్ సెక్షన్ లో పనిచేసే బ్యాంకు ఉద్యోగి అని అర్థం అవుతోంది. ఈ కామెడీ ఎంటర్టైనర్ లో బంగారం చోరీ వ్యవహారం కథలోని కీలక విషయం..‘ఏమైనా తేడా వస్తే అందరూ కలిసి పోలీస్ స్టేషన్లో ఇరుక్కోవాలి..’ అన్న డైలాగ్లో అర్థమైంది.
‘అందరూ పెళ్లిళ్లు అవ్వాలని గుళ్లో ముడుపులు కడతారు.. కానీ నేను మాత్రం ఆ దొంగ దొరకాలని కంకణం కట్టుకుంటున్నాను..’ అన్న పోలీసు డైలాగ్తో కథ మొత్తం కామెడీ ఎంటర్ టైనర్ అని అర్థం కాగా.. తాకట్టు విడిపించుకున్న నక్లెస్లో మల్లెపూలు ఇరుక్కొని ఉండటం చూసి.. ‘ఇదేంటి నక్లెస్ ఇప్పుడే ఎవరో పెట్టుకుని తీసినట్టుంది అంటే.. ఇప్పుడైనా నమ్ముతారా మా బ్యాంక్ మీ నగల్ని పువ్వుల్లో పెట్టి చూసుకుంటుందన్న ..’ డైలాగ్ల టైమింగ్ .. రైమింగ్ బాగా కుదిరి తన కామెడీ గ్యాంగ్తో ‘బంగారు బుల్లోడు’ బాగానే అలరించనున్నాడని అర్థమవుతోంది. హీరోయిన్ పూజా ఝవేరి గ్లామర్ ఆకట్టుకోగా, 30 ఇయర్స్ పృథ్వి, సత్యం రాజేష్, వెన్నెల కిషోర్, ప్రవీణ్, తనికెళ్ల భరణి, ప్రభాస్ శ్రీను, మహేష్ మిగిలిన రోల్స్ పోషించారు. వీర బ్రహ్మం సుంకర ఈ చిత్రాన్ని నిర్మించగా, సాయి కార్తీక్ సంగీతం అందిస్తున్నాడు.
