ఫస్ట్ లెవెల్ ఫ్లై ఓవర్ ప్రారంభం

• ప్రారంభించిన మంత్రి కేటీఆర్​

సారథి న్యూస్​, హైదరాబాద్​: నగరంలోని బయోడైవర్సిటీ జంక్షన్ వద్ద నిర్మించిన ఫస్ట్ లెవెల్ ఫ్లై ఓవర్​ బ్రిడ్జిని మున్సిపల్​శాఖ మంత్రి కె.తారక రామారావు గురువారం ప్రారంభించారు. ఈ ఫ్లై ఓవర్​ బ్రిడ్జి అందుబాటులోకి రావడంతో గచ్చిబౌలి నుంచి మెహిదీపట్నం వైపునకు వెళ్లే వాహనదారులకు ట్రాఫిక్ ఇబ్బందులు తీరనున్నాయి. ఈ ఫ్లైఓవర్​ బ్రిడ్జి నిర్మాణానికి రూ.30.26 కోట్లు వ్యయం అయినట్లు అధికారులు వెల్లడించారు.

కార్యక్రమంలో మంత్రి సబితా ఇంద్రారెడ్డి, గ్రేటర్ హైదరాబాద్ నగర మేయర్ బొంతు రామ్మోహన్, ఎమ్మెల్యేలు దేవిరెడ్డి సుధీర్​రెడ్డి, మంచిరెడ్డి కిషన్ రెడ్డి, డిప్యూటీ మేయర్ బాబా ఫసియోద్దిన్​, మున్సిపల్ శాఖ ప్రిన్సిపల్ సెక్రటరీ అరవింద్ కుమార్, జీహెచ్ఎంసీ కమిషనర్ లోకేష్ కుమార్, జలమండలి ఎండీ దానకిషోర్, కార్పొరేటర్లు, వివిధ శాఖల అధికారులు పాల్గొన్నారు.