యంగ్రెబల్ స్టార్ ప్రభాస్ తన 22వ చిత్రాన్ని అధికారికంగా ప్రకటించేశాడు. ‘ఆదిపురుష్’ అనే పాన్ఇండియా మూవీలో తాను నటించబోతున్నట్టు అభిమానులకు సర్ప్రైజ్ ఇచ్చాడు. ఈ కొత్తచిత్రానికి ‘తనాజీ’ ఫేం ఓం రౌత్ దర్శకత్వం వహిస్తున్నారు. గుల్హన్కుమార్ , టీసీరిస్వారు సంయుక్తంగా ఈ చిత్రాన్ని నిర్మిస్తున్నారు. మొత్తం 5 భాషల్లో ఈ చిత్రం తెరకెక్కునున్నట్టు సమాచారం. హిందీతోపాటు తెలుగు, తమిళ, కన్నడ, మళయాళ భాషల్లో ఈ సినిమా రిలీజ్ కానున్నది. ‘ఆదిపురుష్’ అనే ఈ చిత్రం ఇతిహాస కథ ఆధారంగా తెరకెక్కిస్తారా. . లేక సోషియో ఫాంటసీ చిత్రమా అన్న విషయం ఇంకా క్లారిటీ లేదు. ఇక ఇప్పటికే ప్రభాస్ ‘రాధేశ్యామ్’ అనే ఓ చిత్రంలో నటించనున్నారు. దాని తర్వాత నాగ్అశ్విన్ దర్శకత్వంలో మరో భారీచిత్రంలో నటిస్తున్నారు. వీటితోపాటు కేజీఎఫ్ డైరెక్టర్ ప్రశాంత్నీల్ చెప్పిన కథకు కూడా ప్రభాస్ ఓకే చెప్పినట్టు సమాచారం. నాగ్అశ్విన్ సినిమా తర్వాత ఆదిపురుష్ షూటింగ్ ప్రారంభించవచ్చని సమాచారం. ఆదిపురుష్ చిత్రాన్ని 3 డీ టెక్నాలజీలతో తెరకెక్కించనున్నారు. ఈ చిత్రంలో ప్రభాస్ మహావిష్ణువుగా నటిస్తారని కొందరు, లేదు శివుడిగా నటిస్తున్నారని మరికొందరు అభిమానులు సోషల్మీడియాలో పోస్టులు పెడుతున్నారు.
