సారథి న్యూస్, పెద్ద శంకరంపేట: మెదక్ జిల్లా పెద్దశంకరంపేట పీహెచ్సీని రాష్ట్ర కోవిడ్ బృందం మంగళవారం ఆకస్మికంగా తనిఖీ చేసింది. పీహెచ్సీ పరిధిలో ఇప్పటివరకు ఎన్ని కరోనా పరీక్షలు నిర్వహించారు. అందులో ఎన్ని పాజిటివ్ వచ్చాయి తదితర వివరాల గురించి రాష్ట్ర బృందం ఆరా తీసింది. డాక్టర్ ప్రభావతి నేతృత్వంలోని రాష్ట్ర బృందం పీహెచ్సీ రికార్డులను పరిశీలించింది. కార్యక్రమంలో పీహెచ్సీ సిబ్బంది భూమయ్య, రామ్మోహన్, విజయభాస్కర్ తదితరులు పాల్గొన్నారు.
