టాలీవుడ్లో హీరోలు డైరెక్టర్లు, ప్రొడ్యూసర్లుగా మారుతున్న విషయం తెలిసిందే. ఈసారి నిర్మాతగా హరీశ్ శంకర్ కూడా వారి లిస్టులో చేరనున్నాడు. హరీశ్ శంకర్ నిర్మాత అంటూ ప్రచారం జరుగుతోంది. హరీశ్ బన్నీ వాసుతో కలిసి కొత్త దర్శకుడిని పరిచయం చేస్తూ ఒక సినిమాను నిర్మించబోతున్నాడట. ఒక సినిమా స్క్రిప్ట్ రెడీ అయ్యిందని.. గీతా ఆర్ట్స్తో కలిసి ఈ సినిమాను చేయాలనుకుంటున్నాడని టాక్. ఈ ఇద్దరి కాంబినేషన్ అంటే అటు సినీవర్గాల్లోనూ, ఇటు ప్రేక్షకుల్లోనూ అంచనాలు భారీగానే ఉండే అవకాశం ఉంది.
ఇక ప్రస్తుతం హరీష్ శంకర్ తన తదుపరి చిత్రాన్ని పవన్ కల్యాణ్ తో చేయబోతున్న విషయం తెలిసిందే. ఆ సినిమా కోసం స్క్రిప్ట్ వర్క్ లో ఉన్నాడు. క్రిష్ తో పాటు మరికొందరు రచయితలతో కలిసి పవన్ కోసం స్క్రిప్ట్ రెడీ చేస్తున్నట్లుగా ఇటీవలే హరీశ్ శంకర్ చెప్పుకొచ్చాడు. పవన్ వకీల్ సాబ్, క్రిష్ దర్శకత్వంలో సినిమాలు పూర్తిచేసిన తర్వాత హరీశ్ శంకర్ మూవీని చేసే అవకాశం ఉంది. వచ్చే ఏడాదిలో వీరి కాంబినేషన్లో మూవీ పట్టాలెక్కి 2022 లో ప్రేక్షకుల ముందుకొచ్చే అవకాశం ఉందంటున్నారు.
