సారథి న్యూస్, గోదావరిఖని: రైతులకు నకిలీ సీడ్స్ విక్రయించే వారిపై చర్యలు తప్పవని, అటువంటి వ్యాపారులపై పీడీ యాక్ట్ నమోదు చేస్తామని డీజీపీ మహేందర్రెడ్డి హెచ్చరించారు. తెలంగాణలో వాటిని అమ్మాలంటేనే భయపడేలా చర్యలు తీసుకోవాలని సూచించారు. గురువారం హైదరాబాద్ నుంచి డీజీపీ మహేందర్ రెడ్డి అన్ని ఎస్పీలు, పోలీస్ కమిషనర్లు, పోలీస్ అధికారులతో వీడియోకాన్ఫరెన్స్లో మాట్లాడారు. కరోనా వ్యాప్తిని అరికట్టేందుకు.. లాక్ డౌన్ సమయంలో పోలీసులు తీసుకుంటున్న చర్యలను అభినందించారు. అన్ని పోలీస్ స్టేషన్లలో థర్మల్ స్క్రీనింగ్ టెస్టింగ్ కిట్లు అందుబాటులో ఉంచాలన్నారు. అడిషనల్ డీసీపీ అడ్మిన్ అశోక్ కుమార్, సీసీఎస్ ఏసీపీ ఉమామహేశ్వర్, సీసీఆర్బీ సీఐ రాజనర్సయ్య, సీసీఎస్ ఇన్స్పెక్టర్ వెంకటేశ్వర్లు, సతీష్, కిరణ్ పాల్గొన్నారు.
