న్యూఢిల్లీ: మాజీ కెప్టెన్ ధోనీతో కలిసి క్రికెట్ ఆడాలని ప్రపంచ దేశాల క్రికెటర్లంతా కోరుకుంటారు. ఇప్పుడు ఆడుతున్న వారైతే తమ అభిమానాన్ని ఏదో రకంగా చూపెడుతుంటారు. అదే కోవలో వెస్టిండీస్ ఆల్ రౌండర్ డ్వేన్ బ్రావో కూడా.. మహీపై తన అభిమానాన్ని పాట రూపంలో వెల్లడించబోతున్నాడు. ‘మహీ సాంగ్’ పేరుతో తానే రాసి, కంపోజ్ చేసిన ఈ పాటను మహీ పుట్టిన రోజు జులై 7న విడుదల చేయనున్నాడు. దానికంటే ముందు పాటకు సంబంధించిన టీజర్ను సామాజిక మాధ్యమాల్లో పోస్ట్ చేశాడు. పాటలోని స్టెప్పులకు ‘హెలిక్యాప్టర్’ అని పేరు పెట్టాడు. ‘నా అభిమానులకు ఓ అప్డేట్. మహీపై పాట పూర్తయింది. అతని పుట్టిన రోజున రిలీజ్ చేస్తా. ఈ పాటలో కొత్త కొత్త స్టెప్పులు ఉంటాయి. వాటిని చూడాలంటే నన్ను ట్యాగ్ చేయండి. బెస్ట్ డ్యాన్స్ కంపోజ్ చేశాను. ఇక నుంచి మహీ అఫీషియల్ డ్యాన్స్ ఇదే’ అని బ్రావో ఇన్స్టాగ్రామ్లో వ్యాఖ్యానించాడు.
