సారథి న్యూస్, అనంతపురం: అనంతపురం జిల్లా పుట్టపర్తి నియోజకవర్గంలోని బుక్కపట్నం మండలం బుచ్చయ్యగారిపల్లి సమీపంలోని ఊటుకుంట వద్ద మామిడి తోటలో నిద్రిస్తున్న దంపతులపై చిరుత దాడి చేసింది. ఈ ఘటన సోమవారం చోటుచేసుకుంది. లక్ష్మమ్మ, కుల్లాయప్ప దంపతులు తోటలో ఉండగా చిరుత ఒక్కసారిగా వచ్చి దాడిచేసింది. ఇద్దరు తీవ్రంగా గాయపడడంతో చికిత్స కోసం పుట్టపర్తి సత్యసాయి జనరల్ ఆస్పత్రికి తరలించారు. లక్ష్మమ్మ పరిస్థితి విషమించడంతో అక్కడి నుంచి తిరుపతి రొయ్య ఆస్పత్రికి తరలించారు. ఈఘటనతో బుచ్చయ్యగారిపల్లి గ్రామస్తులు భయాందోళనకు గురయ్యారు.
