- సోషల్‌మీడియాలో వీడియో వైరల్‌
సారథి న్యూస్, హైదరాబాద్: పాము కనిపిస్తే చాలు భయంతో పరుగులు పెడతాం. దాన్ని చూడాలంటేనే వణికిపోతాం. అలాంటిది ఒక కింగ్‌ కోబ్రామన ముందు వచ్చి నిలబడితే వామ్మో.. పై ప్రాణాలు పైకే పోతాయేమో. అలాంటిది ఒక వ్యక్తి 14 అడుగుల కింగ్‌ కోబ్రాకు స్నానం చేయించాడు.మీరు చదివింది కరెక్టే ఆ వ్యక్తి కింగ్‌ కోబ్రాకు స్నానం చేయించిన వీడియో సోషల్‌ మీడియాలో విపరీతంగా వైరల్‌ అయింది. ఇండియన్‌ ఫారెస్ట్‌ సర్వీస్‌ ఆఫీసర్‌ సుశాంత్‌ నందా ట్వీట్‌ చేశారు.
ఒక వ్యక్తి కింగ్‌ కోబ్రాకు దగ్గర్లోని కుళాయిలో నీటిని పట్టుకుని స్నానం చేయించాడు. అయితే ఆ పాము ఏమి అనకుండా కదలకుండా హాయిగా ఎంజాయ్‌ చేయడం అందర్నీ ఆశ్చర్యానికి గురిచేసింది. ఆ వ్యక్తి కోబ్రా తలపై నిమురుతున్నా అది ఏమీ అనకుండా ఆస్వాదించింది. “ సమ్మర్‌‌లో ఎవరు తలస్నానం వద్దంటారు. ఇది చాలా డేంజర్‌ ఎవరూ ట్రై చేయొద్దు” అని నందా ట్వీట్‌ చేశారు. ఈ వీడియోపై నెటిజన్లు తమదైన శైలిలో సెటైర్లు వేస్తున్నారు. కొంత మంది ఆ వ్యక్తి సాహసాన్ని మెచ్చుకుంటే.. మరి కొంత మంది పామును చూస్తే కిలోమీటర్‌ దూరం పరిగెత్తుతానంటూ కామెంట్లు పెడుతున్నారు. ఏదేమైనా.. ఎండలో బాగా తిరిగి అలిసిపోయిన కింగ్‌కోబ్రా చక్కగా స్నానం చేయించుకుంటుంది అని మరికొందరు కామెంట్లు పెట్టారు.
