సారథి న్యూస్, భద్రాద్రి కొత్తగూడెం: కరోనా ప్రబలకుండా పోలీసు అధికారులు, సిబ్బంది అన్ని జాగ్రత్తలు తీసుకోవాలని భద్రాద్రి కొత్తగూడెం జిల్లా ఎస్పీ సునీల్ దత్ సూచించారు. శుక్రవారం ఆయన పోలీసు అధికారులతో వీడియోకాన్ఫరెన్స్లో మాట్లాడారు. ఎవరికైనా కరోనా లక్షణాలు ఉంటే స్వచ్ఛందంగా అధికారులకు తెలియజేయాలని సూచించారు. అన్ని పోలీస్స్టేషన్లలో థర్మల్ స్ర్కీనింగ్ పరీక్షలు చేయాలన్నారు. నకిలీ విత్తనాలు అమ్మితే పీడీ యాక్టులు నమోదు చేయాలని ఆదేశించారు. టేకులపల్లి పోలీస్ స్టేషన్లో విధులు నిర్వర్తిస్తూ ఇటీవల గుండెపోటుతో మరణించిన కానిస్టేబుల్ హరిలాల్ కుటుంబానికి పోలీసు సంక్షేమ నిధి ద్వారా రూ.లక్ష నగదును చెక్కును అందజేశారు. అడిషనల్ ఎస్పీ రమణారెడ్డి, వినీత్ కుమార్ ఏసీబీ ఇన్స్పెక్టర్లు శ్రీనివాసరావు, రవి, డీసీఆర్బీ ఇన్ స్పెక్టర్ గురుస్వామి, ఐటీ సెల్ ఇన్స్పెక్టర్ అబ్బయ్య పాల్గొన్నారు.
