కరాచీ: అండర్ వరల్డ్ డాన్, 1993 ముంబై పేలుళ్ల ప్రధాన సూత్రధారి దావూద్ ఇబ్రహీం పాకిస్థాన్కు చెందిన ఓ సినీనటితో సన్నిహితంగా మెలుగుతున్నట్టు మీడియాలో కథనాలు వెలువడ్డాయి. పాకిస్థాన్కు చెందిన మెహ్విష్ హయత్ (37) మొదట ఐటం గర్ల్గా కెరీర్ను ప్రారంభించింది. అనంతరం పలు సినిమాల్లో నటించింది. ఆమెతో దావూద్ సన్నిహితంగా ఉంటున్నట్టు సమాచారం. ఇండియా నుంచి పారిపోయిన దావూద్ పాకిస్థాన్లోని కరాచీలో ఓ భారీ బంగ్లాలో నివాసం ఉంటున్నాడు. దావూద్కు పాక్ చిత్రపరిశ్రమకు చెందిన వ్యక్తులు, రియల్ వ్యాపారులు, పారిశ్రామికవేత్తలతో సన్నిహిత సంబంధాలు ఉన్నాయి.
మెహ్విష్ హయత్తో దావూద్ చాలా సన్నిహితంగా ఉంటాడని ఆమెతో తరుచూ ఫోన్లో మాట్లాడతాడని తాజాగా వెల్లడైంది. ముంబైలో ఉన్నప్పుడు కూడా దావూద్కు సినీ ప్రముఖులతో సంబంధాలు ఉండేవి.. పాక్లోనూ దావూద్ ఇదే పంథాను కొనసాగించాడు. అయితే మొదట్లో చిన్ననటిగా ఉన్న మెహ్విష్ దావూద్ ప్రోత్సాహంతో స్టార్ హీరోయిన్గా ఎదిగిందని సమాచారం. దావూద్ బెదిరింపులకు భయపడి ప్రముఖనిర్మాతలంతా ఆమెకు అవకాశం కల్పించారు. దావూద్ అక్కడి ప్రభుత్వంపై తీవ్రమైన ఒత్తిడి తీసుకొచ్చి మెహ్విష్కు ‘తమ్గా ఇంతియాజ్’ అనే పురస్కారం కూడా ఇప్పించారని కథనాలు వచ్చాయి.
