సారథి న్యూస్, కర్నూలు: జాతీయ ఎన్నికల సంఘం ఆదేశాల మేరకు శనివారం జిల్లా కలెక్టరేట్ సమీపంలో ఉన్న ఈవీఎం గోడౌన్ ను కలెక్టర్ జి.వీరపాండియన్ ఆకస్మికంగా పరిశీలించారు. గోడౌన్ వద్ద ఉన్న సెక్యూరిటీ సిబ్బందిని వివరాలు అడిగి తెలుసుకుని, సీసీ కెమెరాల పనితీరు, గోడౌన్ బయట వైపు సీల్ వేసి ఉన్న తాళాన్ని పరిశీలించారు. ఆయన వెంట డీఆర్వో పుల్లయ్య, ఎలక్షన్ తహసీల్దార్ కుమారస్వామి ఉన్నారు.
