ఇండోర్: ఓ పోకిరీ వేదవ తిక్కకుదిర్చేలా న్యాయమూర్తి వినూత్న తీర్పు చెప్పారు. దీంతో ఆ న్యాయమూర్తిపై సోషల్ మీడియాలో ప్రశంసల వర్షం కురుస్తోంది. జడ్జీగారు మీరు సూపరండీ అంటున్నారు యువత. ఇంతకు ఆ జడ్జీ ఇచ్చిన తీర్పు ఏమిటంటే.. మ‌ధ్య‌ప్ర‌దేశ్‌లో ఉజ్జ‌యిని న‌గ‌రానికి చెందిన విక్రమ్ బాగ్రి అనే ఓ ఆకతాయి ఓ వివాహిత (30) ఇంట్లోకి వెళ్లి ఆమెతో అసభ్యంగా ప్రవర్తించాడు. ఆమెను లైంగికంగా వేధించాడు. దీంతో సదరు యువతి పోలీసులకు ఫిర్యాదు చేసింది. బాధితురాలి ఫిర్యాదు మేర‌కు పోలీసులు యువకుడిని అరెస్ట్ చేసి.. కేసు న‌మోదు చేశారు. నిందితుడు బెయిల్ కోసం ఇండోర్ కోర్టును ఆశ్ర‌యించాడు. ఇండోర్ కోర్టు న్యాయమూర్తి రోహిత్ ఆర్యా కేసు పూర్వాప‌రాల‌ను పూర్తిగా అధ్య‌య‌నం చేశారు. సోమవారం ర‌క్షాబంధ‌న్ కావడంతో ఈ పండుగను దృష్టిలో ఉంచుకుని సంచలన తీర్పు చెప్పారు. ‘ర‌క్షాబంధ‌న్ సంద‌ర్భంగా విక్రమ్ బాగీ.. తాను వేధించిన వివాహిత‌తో రాఖీ కట్టించుకోవాలి. అనంంతరం ఆమెకు రూ.11 వేలు ఇవ్వాలి. సోమవారం ఉదయం 11 గంటలకు నిందితుడు తన భార్యతో కలిసి వివాహిత ఇంటికి స్వీటు బాక్స్తో వెళ్లాలి. బాధితురాలి కుమారుడికి రూ.ఐదువేలతో పాటు బట్టలు, స్వీట్లు కొనివ్వాలి. అలాగే వివాహిత కాళ్లమీద పడి ఆశీర్వాదం పొందాలి’ అంటూ తీర్పు చెప్పారు న్యాయమూర్తి.
