వాషింగ్టన్: అమెరికా అధ్యక్షుడు ట్రంప్ నకు ఫేస్ బుక్, ట్విట్టర్ షాకిచ్చాయి. తప్పుడు సమాచారాన్ని పోస్టు చేస్తే ఎంతటి వారినైనా ఉపేక్షించేది లేదని తేల్చిచెప్పాయి. ఏకంగా అమెరికా అధ్యక్షుడు పోస్టు చేసిన ఓ వీడియోను డిలిట్ చేశాయి ఈ సంస్థలు. ‘చిన్నపిల్లల్లో రోగనిరోధక శక్తి ఎక్కువగా ఉంటుంది. అందువల్ల వారికి కరోనా సోకదు’ అని ట్రంప్ ఇటీవల ఫేస్బుక్, ట్విట్టర్లో ఓ వీడియోను పోస్ట్ చేశాడు. దీనిపై ఫేస్బుక్, ట్విట్టర్ తీవ్రంగా స్పందించాయి. ట్రంప్ వీడియోలో తప్పడు సమాచారం ఉందంటూ ఈ వీడియోను ఆయన ఖాతాల నుంచి తొలగించాయి. కాగా ట్రంప్ ప్రతినిధి కర్టనీ పారెల్లా మాత్రం ఫేస్బుక్, ట్విట్టర్ తీరును తప్పుబట్టారు. సామాజిక మాధ్యమ సంస్థలు న్యాయనిర్ణేతలు కాబోరని వ్యాఖ్యానించారు. మరోవైపు ప్రపంచ ఆరోగ్యసంస్థల విశ్లేషణ ప్రకారం దాదాపు 4.6 శాతం మంది చిన్నపిల్లలకు కరోనా సోకుతోంది.
