సారథి న్యూస్, బిజినేపల్లి: నాగర్ కర్నూల్ జిల్లా బిజినేపల్లి మండలంలోని వట్టెం నవోదయ విద్యాలయంలో 2020–21 అకాడమిక్ ఆరవ తరగతిలో చేరేందుకు విద్యార్థుల ప్రవేశపరీక్షకు శుక్రవారం నోటిఫికేషన్విడుదలైందని ప్రిన్సిపల్ వీరరాఘవయ్య తెలిపారు. ఆరవ తరగతిలో 80 సీట్లు ఉన్నాయని వెల్లడించారు. ఉమ్మడి మహబూబ్నగర్ జిల్లా పరిధిలో ఐదవ తరగతి చదివిన విద్యార్థులు ఆన్లైన్ లో దరఖాస్తు చేసుకోవాలని సూచించారు. కాగా, ఆంధ్రప్రదేశ్, తెలంగాణ రాష్ట్రాల్లో జిల్లాకు ఒకటి చొప్పున నవోదయ విద్యాలయాలు ఉన్నాయి. సీబీఎస్ఈ బోధన ఉంటుంది. ఆ న్లైన్ అప్లికేషన్ గడువు నవంబర్ 30 వరకు ఉంది. ఏప్రిల్10న పరీక్ష నిర్వహించనున్నారు. మరిన్ని వివరాలకు ఈ కింద పేర్కొన్న సైట్లో చూడవచ్చు. అదనపు సమాచారం కోసం సమీపంలోని నవోదయ విద్యాలయం ప్రిన్సిపల్ను సంప్రదించవచ్చు.
https://navodaya.gov.in/nvs/en/Admission-JNVST/Admission-Notifications/.
