తాను బిగ్బాస్ సీజన్ 4లో పాల్గొనడం లేదని పూనమ్ కౌర్ క్లారిటీ ఇచ్చేసింది. బిగ్బాస్లో సీజన్ 4లో పాల్గొనేది వీళ్లనంటూ కొంతకాలంగా సోషల్ మీడియాలో, కొన్ని వెబ్సైట్లలో వార్తలు చక్కర్లు కొడుతున్నాయి. దీంతో కొందరు సెలబ్రిటీలు తాము బిగ్బాస్లో పాల్గొనడం లేదు అంటూ క్లారిటీ ఇవ్వాల్సి వస్తోంది. ఇప్పటికే యువనటుడు తరుణ్, హీరోయిన్ శ్రద్ధాదాస్ తాము బిగ్బాస్ షోలో పాల్గొనడం లేదని క్లారిటీ ఇచ్చారు. శ్రద్ధాదాస్ అయితే ఏకంగా మీడియాపైనే ఫైర్ అయ్యింది. తనపై తప్పడు వార్తలు రాస్తే కేసులు పెడతానంటూ హెచ్చరించింది. అయితే బిగ్బాస్లో పూనమ్ బెర్త్ కన్ఫార్మ్ అయ్యిందంటూ కొంతకాలంగా వార్తలు వినిపిస్తున్నాయి. ఈ వార్తలను పూనమ్ కూడా ఖండించపోవడంతో అంతా నిజమనుకున్నారు. కానీ పూనమ్ తాజా పోస్టుతో అందరికీ ఓ క్లారిటీ వచ్చింది. పూనమ్ను బిగ్బాస్ టీం సంప్రదించిన మాట వాస్తవమేనని.. కానీ ఆమెకు వారు చెప్పిన ప్యాకేజీ నచ్చకపోవడంతోనే ఆఫర్ తిరస్కరించినట్టు సమాచారం.
