ప్రోటోకాల్​ పాటించండి

• క్రికెట్​ దక్షిణాఫ్రికా అధ్యక్షుడు క్రిస్​ నెన్​జానీ

జొహన్నెస్​బర్గ్​: ఐసీసీ చైర్మన్​గా కొత్త వ్యక్తికి మద్దతిచ్చే ముందు తమ దేశబోర్డు ప్రోటోకాల్​ ​ పాటించాలని క్రికెట్​ దక్షిణాఫ్రికా (సీఎస్​ఏ) అధ్యక్షుడు క్రిస్​ నెన్​జానీ అన్నారు. తద్వారా ఎవరికీ ఎలాంటి ఇబ్బంది ఉండదన్నారు. ఐసీసీ చైర్మన్​గా గంగూలీ రావాలన్నా ప్రొటీస్​ క్రికెట్​ డైరెక్టర్​ గ్రేమ్​ స్మిత్​ వ్యాఖ్యలకు నెన్​జానీ కౌంటర్​ ఇచ్చారు. ‘ఐసీసీతో పాటు మన వ్యక్తిగత ప్రొటోకాల్‌ను కూడా ప్రతిఒక్కరూ పాటించాలి.

ఏ అభ్యర్థికి మద్దతు అందరూ కలిసి నిర్ణయం తీసుకోవాల్సిన అంశం. ఇప్పటివరకు ఏ అభ్యర్థిని చైర్మన్‌గా నామినేట్‌ చేయలేదు. ఎవరైనా నామినేషన్‌ వేసినా ఎవరికి మద్దతు ఇవ్వాలనేది సీఎస్‌ఏ తన సొంత ప్రోటోకాల్​‌ పరంగా నిర్ణయం తీసుకుంటుంది. ఐసీసీ బోర్డు డైరెక్టర్‌గా తన ఓటు హక్కును వినియోగించుకునే అధికారాన్ని చైర్మన్‌కు ఇస్తుంది’ అని నెన్‌జానీ పేర్కొన్నాడు.