సారథి న్యూస్, రామడుగు: యావత్ ప్రపంచాన్ని గడగడలాడిస్తున్న మహమ్మారి కరోనా కారణంగా విద్యావ్యవస్థ సమూలంగా దెబ్బతిన్నది. దీంతో విద్యార్థుల భవిష్యత్ ఆగమ్య గోచరంగా మారింది. ఈ తరుణంలో పిల్లల చదువులకు ఆటంకం కలగకుండా ఉండేందుకు తల్లిదండ్రులు హోమ్ ట్యూషన్ ను ఆశ్రయిస్తున్నారు. అందులో భాగంగానే రామడుగు మండల కేంద్రంలో పిల్లలను హోమ్ ట్యూషన్ పంపించే క్రమంలో రోడ్డు దాటించడం ఇబ్బందిగా మారడం, సరైన సమయంలో పేరెంట్స్ అందుబాటులో లేకపోవడంతో విద్యార్థుల వద్దకే ఉపాధ్యాయులు స్వయంగా వచ్చి పాఠాలు బోధిస్తున్నారు. ఈ క్రమంలో చొప్పదండి మండల కేంద్రంలో స్థానిక ముదిరాజ్ సంఘంలో ఉపాధ్యాయిని సంధ్య కరోనా నిబంధనలు పాటిస్తూ 15 రోజులుగా నర్సరీ నుంచి 5 తరగతి విద్యార్థులకు పాఠాలు చెబుతూ అందరి చేత శభాష్ అనిపించుకుంటున్నారు.
