సామాజిక సారథి, వేములవాడ: మారుతున్న ప్రపంచంలో కాలుష్యం పెరిగిపోయి చిన్న చిన్న అనారోగ్య సమస్యలకే ఆస్పత్రుల పాలవుతున్న నేటి తరుణంలో పార్కులు, మొక్కల పెంపకానికి శ్రీకారం చుట్టింది రాష్ట్ర ప్రభుత్వం. అందులో భాగంగానే రాజన్నసిరిసిల్ల జిల్లా వేములవాడ పట్టణంలోని 2వ బైపాస్రోడ్డులో మంత్రి కేటీఆర్, ఎమ్మెల్యే చెన్నమనేని రమేష్ బాబు, మున్సిపల్చైర్పర్సన్రామతీర్థపు మాధవిరాజు చొరవతో చిల్డ్రన్పార్కును ఆకట్టుకునేలా ఏర్పాటుచేశారు. పట్టణ ప్రజలు, చిన్నారులకు ఆహ్లాదం పంచేలా ప్రశాంతమైన వాతావరణంలో పచ్చని సౌందర్యంతో రకకరాల మొక్కలను పెంచారు. పిల్లలను ఆకట్టుకునేలా అడ్వంచర్ జోన్లు, వంతెనలు ఇలాంటి ఎన్నో రకాల విశేషాలతో సందర్శకులను కనువిందు చేసేలా పార్క్ను సరికొత్త హంగులతో రూపుదిద్దారు. ప్రకృతి రమణీయత ఉట్టిపడేలా తీర్చిదిద్దారు. రంగురంగుల బొమ్మలతో అలంకరించారు. ఇంకేందుకు ఆలస్యం మీరూ వెళ్లండి.
